Profesori universitar dhe njohësi i marrëdhënieve ndërkombëtare, Flamur Hyseni, nuk pret që të ketë një vendim të shpejtë nga Bashkimi Evropian për heqjen e masave.
Ai këtë e ka thënë se në BE deri të merret një vendim konsensual ka procedura.
“Nuk pres që të ketë lëvizje të shpejtë, sepse ka disa procedura, janë disa forume. Shqyrtimi në BE nuk vendoset direkt, se është edhe një vendim marrje konsencuale, e sidomos të shtetet kyçe si Franca, Gjermania e Italia që janë vendimmarrëse për çfarë do vendimi në BE”, ka thënë Hyseni në emisionin “Ditari” në Tëvë 1
Të hënë përfaqësuesi i Lartë për Politikë të Jashtme dhe Siguri i Bashkimit, Josep Borrell ka dorëzuar në Këshillin e BE-së raportin për Kosovën ku do të shqyrtohet heqja e masave.
Zëvendëskryeministri i Kosovës, Besnik Bislimi ditë më parë ka thënë se në bazë të informacioneve që ai ka, raporti i Borrell rekomandon heqjen e masave. Por në BE për këtë deklaratë kanë thënë se nuk është mirë të spekulohet.
BE kishte vendosur masa ndaj Kosovës vitin e kaluar pas trazirave në veri të nxitura nga grupe lokale serbe, të cilit kundërshtonin vendosjen në objektet komunale të kryetarëve shqiptarë të komunave në veri pas zgjedhjeve të prillit në vitin 2023.
