Por, ai në emisionin “Respublika” në tëvë1 thotë se ka vetëm dallime në mendime dhe ka debate të ndryshme, teksa shton se është i habitur me lirinë e fjalës në këtë parti.
“Nuk ka në Vetëvendosje siç theksohet, mendohet dhe dëshirohet përplasje të mëdha. Ka nuanca, dallime debate a më besoni që Vetëvendosje prej fillimit në të cilën kam qenë pjesë e saj më ka habitur me lirinë e debatimit. Gjithmonë ka pasur debate nga më të ndryshmet, ndonjëherë të gjata sepse është formacion rinor dhe plot energji, ide dhe natyrisht të gjitha ato ballafaqohen edhe mund të përplasen por marrë parasysh dimensionin mendoj që është shembull i mirë”, tha ai.
I pyetur për demokracinë e brendshme në LVV, deputeti thekson se gjithmonë ka vend edhe për më shumë demokraci.
“Mund të thuhet në të njëjtën mënyrë se zakonisht harrohet Vetëvendosje është lëvizje ka qenë dhe vazhdon të jetë dhe kjo pastaj determinon edhe shumëçka brenda Vetëvendosjes, e brenda raporteve edhe me subjektet tjera. E theksoj këtë jorastësisht sepse edhe këto raportet eventuale që mund të jenë brenda çdo formacioni janë edhe Lëvizje janë minore duke pasur parasysh që janë bashkimet me dallime të ndryshme është një bashkim me dallime dhe konsideroj si një vlerë të rëndësishme sa herë kemi funksionuar kështu si bashkim i gjerë edhe me dallime mospajtime kemi dalë më mirë”, shtoi ai.
Kurse, sa i përket ndarjes së mundshme në qeverisje me Listën “Guxo”, Hyseni thotë se nuk është koha për ndarje por e bashkimit mes vete.
“Varet kjo por unë mbetem përsëri i bindur se më së lehti është të shkapërderdhesh, por paguajmë tagrin të gjithë bashkërisht nuk është kohë e ndarjeve por e bashkimit së paku edhe një fazë derisa të zgjidhet përfundimisht e ardhmja e Kosovës ende jemi në udhëkryq përballemi me rreziqe ende na duhet ajo të cilës i referohej Demaçi në kohën kur bashkonte të gjithë pa dallim: jemi në rrezik na duhet bashkimi të gjithë bashkë tjerat tutje”, tha ai./teve1.info/,
