Kryetari aktual, njëherësh kandidati i Lëvizjes Vetëvendosje për kryetar të Gjilanit, Alban Hyseni, e ka kryer procesin e votimit i shoqëruar nga bashkëshortja e tij.
Duke uruar që procesi të jetë demokratik, Hyseni para mediave tha se nuk po ‘paragjykon’ rezultatin as për vetën dhe as për të tjerët.
“Uroj që ky proces zgjedhor për të gjithë qytetarët e Kosovës, veçanërisht për qytetarët e Gjilanit të shkojë mirë e mbarë, të jetë proces demokratik. Dhe urojë që sa më shumë prej qytetarëve tanë të dalin dhe të shprehin vullnetin e tyre. Më lejoni që të urojë një proces zgjedhor demokratik të mirëfilltë”, tha Hyseni.
