Anëtari i Kryesisë së PSD-së, Zgjim Hyseni vlerëson se Haki Abazi prej fillimit kishte marrëdhënie të dyanshme interesi me VV-në.
Sipas tij, VV mendonte se përmes Abazit do t’i hapeshin dyert e lobimit nëpër qendra të vendosjes e ky i fundit sikur ‘kredi e keqe’ mori pozitën e zv/kryeministrit.
“VV njëmend përfitonte qasje në disa media, por edhe mashtohej fort se me Hakiun, ish drejtor në Rockefeller, po i hapen dyert e lobimit nëpër qendrat e vendosjes; pala tjetër, (Hakiu) teksa kishte paketuar veten sikur kreditë e këqija, merrte si kundërvlerë pozitën e dytë në Qeveri. Fundi i kësaj kontrate është fundi i kësaj marrëdhënieje.
Sipas tij “rënia e Hakiut” tregon se VV-ja është parti me fillim dhe fund te Albin Kurti.
“Partitë në Kosovë përgjithësisht i karakterizon liderizmi, por rasti i VV-së është tjetër. Figura e Njëshit këtu nuk është veç mbyllje, është dhe greminë edhe shkretëtirë. Hendeku është i thellë edhe i gjatë. Nuk ka botë përtej tij. Nuk ka as ndryshe prej tij, as përtej tij”, ka shkruar Hyseni.
