Për dallim prej Berat Gjimshitit e Ardian Ismajlit që janë në dyshim, Elseid Hysaj do ti mungoj Kombëtares së Shqipërisë për ndeshjet e muajit të ardhshëm në kuadër të eliminatoreve për Kupën e Botës 2026.
Mbrojtësi i krahut të djathtë, është lënduar në fillim të këtij muaji dhe i ka munguar skuadrës së Lazios në tri ndeshjet e fundit kampionale.
Pas ekzaminimeve është konstatuar se Hysaj nuk do të jetë i gatshëm për lojë deri në fund të muajit të ardhshëm pasi do të qëndroj jashtë fushe edhe për 30 ditë.
Kjo do të thotë se Hyaj nuk do të jetë në dispozicion të selektorit të Shqipërisë, Sylvinho për ndeshjet me Anglinë dhe Andorrën, të cilat do të luhet më 21 dhe 24 mars.
Hysaj këtë sezon ka 7 paraqitje për Lazion në të gjitha garat dhe dy asistime kurse me fanellën e Shqipërisë i ka luajtur 88 ndeshje dhe ka shënuar 2 gola.
