Një person në Deçan është arrestuar si i dyshuar për kanosje dhe armëmbajtje pa leje, ka njoftuar Policia e Kosovës.
Sipas raportit policor i dyshuari kishte hyrë me armë në depo të një marketi dhe gjatë ballafaqimit me pronarin të dyshuarit i kishte rënë arma në tokë dhe ishte larguar nga vendi i ngjarjes.
I njëjti me vendim të prokurorit është dërguar në mbajtje, ndërsa në vendin e ngjarjes thuhet se është gjetur dhe konfiskuar një pistoletë pa municion të cilën e kishte pasur ai.
“Është arrestuar i dyshuari mashkull kosovar për shkak se dyshohet se nën posedim të armës kishte hyrë në depon të marketit të viktimës mashkull kosovar. Gjatë ballafaqimit me viktimën të dyshuarit i kishte rënë arma në tokë dhe ishte larguar nga vendi i ngjarjes. Njësitë policore në vendin e ngjarjes kanë gjetur dhe kanë konfiskuar një pistoletë pa municion të cilën e kishte pas i dyshuari. Me vendim të prokurorit pas intervistimit i dyshuari është dërguar në mbajtje”, thuhet në raportin e PK-së.
