Të martën kanë hyrë në fuqi tarifat tregtare të kërcënuara nga presidenti, Donald Trump kundër Kanadasë dhe Meksikës.
Duke filluar vetëm pas mesnatës, importet nga Kanadaja dhe Meksika tani do të tatohen me 25%, me produktet kanadeze të energjisë që i nënshtrohen detyrimeve të importit prej 10%.
Tarifa prej 10% që Trump vendosi mbi importet kineze në shkurt u dyfishua në 20%, dhe Kina u hakmor të martën me tarifa deri në 15% në një gamë të gjerë të eksporteve të fermave amerikane. Ai gjithashtu zgjeroi numrin e kompanive amerikane që i nënshtrohen kontrolleve të eksportit dhe kufizimeve të tjera me rreth dy duzina, raporton AP.
Kryeministri kanadez, Justin Trudeau tha se vendi i tij do të vendosë tarifa për më shumë se 100 miliardë dollarë mallra amerikane gjatë 21 ditëve. Meksika nuk detajoi menjëherë ndonjë masë hakmarrëse.
Tarifat e Kanadasë dhe Meksikës duhej të fillonin në shkurt, por Trump ra dakord për një pezullim 30-ditor për të negociuar më tej me dy partnerët më të mëdhenj tregtarë të SHBA-së. Arsyeja e deklaruar për tarifat është adresimi i trafikut të drogës dhe emigracionit të paligjshëm.
