Nga sot do të hyjë në fuqi rregullorja për liberalizimin e vizave, akt ligjor i cili u nënshkrua më 19 prill.
Kjo rregullore ka hyrë në fuqi 20 ditë pasi është publikuar në Gazetën Zyrtare të Bashkimit Evropian.
Për këtë ka njoftuar edhe Instituti EPIK, organizatë politikash që për mision ka dhënien e kontributit për implementimin e reformave që i kërkon BE nga Kosova.
“Sot hyn në fuqi Rregullorja e BE-së 2023/850 e cila mundëson liberalizimin e vizave për Kosovën. Tani vetëm duhet pritur 1 janarin 2024”, ka shkruar EPIK.
Lëvizja e kosovarëve pa viza në zonën Schengen pritet të nisë nga 1 janari 2024.
