Hykmete Bajrami nga LDK ka reaguar pas përfundimit të Kuvendit të partisë, ku delegatët vendosën të mos pranojnë dorëheqjen e Lumir Abdixhikut nga pozita e kryetarit.
Edhe pse më parë kishte shprehur kritika ndaj Abdixhikut, Bajrami tha se respekton vendimin e Kuvendit dhe theksoi se LDK-ja është më e madhe se çdo individ brenda saj.
“E kam thënë edhe më parë dhe e përsëris: LDK është më e madhe se secili prej nesh. Respektoj vendimin e Kuvendit të LDK-së”, deklaroi shkurtimisht Bajrami para gazetarëve. /teve1.info/
