Ai ka thënë se qëndrimi hungarez lidhur me “çdo embargo të naftës dhe gazit ka ndryshuar, ne nuk e mbështesim”, raporton BBC.
Ndërkaq, një ndalim total ndaj këtyre dy lëndëve djegëse fosile ruse po shqyrtohet nga Komisioni i BE-së për t’u përfshirë në raundin e gjashtë të sanksioneve kundër Moskës.
Kurse, ministrat e Energjisë të BE-së shpresojnë se të hënën do të arrijnë një qëndrim për gazin dhe naftën ruse.
Ministri i Ekonomisë i Gjermanisë, Robert Habeck pranon se nuk ka një pikëpamje unanime midis 27 vendeve të bllokut për ndalimin e furnizimeve me energji ruse.
Moska vazhdon të deklarojë se blerësit e huaj të gazit duhet të paguajnë në bankën e saj private, Gazprombank, e cila konverton çdo dollarë ose euro në rubla.
Komisioni Evropian sugjeron se vendet evropiane që përmbushin kërkesat bankare të Moskës mund të shkelin sanksionet e BE-së.
