Hungaria arrin një fitore të madhe përballë Serbisë, teksa Italia dhe Danimarka bëjnë detyrën në shtëpi.
Skuadra hungareze triumfoi 2-1 në një përballjë të “çmendur” në Budapest.
Ku nuk mungoi traversa, shtylla në dy raste, teksa VAR-i anuloi edhe dy gola të skuadrës udhëtuese në pjesën e dytë të takimit.
Varga dhe Sallai realizuan golat e fitores për Kombëtaren e drejtuar nga italiani Rosi. Sukses ky që e ngjit Hungarinë në krye të grupit G me 13 pikë.
Ndërkohë, serbët duhet të presin ende për të thyer Hungarinë në një ndeshje zyrtare. Nga ana tjetër, Italia mposhti 4-0 Maltën në Bari, falë golave të bukur të Bonaventurës, Berardit me dy gola dhe Frattesit.
Feston edhe Danimarka, që triumfoi 3-1 kundër Kazakistanit. Wind dhe dopieta e Skov siguruarn fitoren për skuadrën nordike, teksa golin e nderit për kazakët e realizoi Vorogovskiy.
