Deputeti i pavarur në Kuvendin e Kosovës, Fatmir Humolli, tha se klasa politike e Kosovës nuk ka një plan se kah është duke shkuar dhe sipas tij po sillet në mjegull pa busull, raporton teve1.info
Në emisionin “Ditari” në Tëvë1, Humolli tha se politikisht është dështim i klasë politike në Kosovë sa i përket bashkëpunimit me miqtë e Kosovës për sigurinë e vendit.
“Politikisht është dështim i klasës tonë politike që nuk po tenton me lexu drejt. l duhet me lexu saktë ku jemi, në kuptimin ushtarak shtrohet harta, evidentohet ku je dhe ku dëshiron me shku e këtu te ne klasa politike nuk e evidenton. Nëse ne dojmë të bëhemi anëtarë të NATO-s, duhet të zhvillojmë ekonominë, kulturën, respektu miqtë, edhe armikut duke ai vu gardhin aty ku nuk mundet me kalu. Klasa politike është duke u sjellë në mjegull pa busullë”, tha Humolli.
Ai këto komente i bëri gjatë bisedës për hapjen e bazës ajrore të NATO-s në Shqipëri, për qka tha se ky është interes i NATO-s e i cili duhet të shfrytëzohet edhe nga udhëheqësit shtetëror në Shqipëri e Kosovë.
“Territori shqiptar, pozicioni gjeopolitik dhe gjeostrategjik është i ndishëm për krejt botën dhe këtë që po e shfrytëzon NATO është interes i botës, Evropës, tash është vetëm sa dimë ne t’i shfrytëzojmë interesat e fuqive botërore në interesa tona. NATO ka intervenu në Kosovë për interesa të veta e të cilat janë përputhë me interesa edhe për neve. Kjo sjellje e klasës politike po ia bënë të pamundur miqve të na respektojnë. Miqtë e Serbisë që kanë qenë të amortizuar me luftë, sot janë ngjall”, tha Humolli.
Humolli e kritikoi Qeverinë e Kosovës se ka më shumë takime e kontakte me Serbinë se sa me Shqipërinë, derisa tha se edhe miqtë e Kosovës janë kthyer kundër saj për shkak të mosbashkëpunimit.
