Mbrojtësi veteran i Borussia Dortmund, Mats Hummels nuk pritet të vazhdojë kontratën me Dortmund, pasi ajo i skadon në fund të sezonit.
Sipas Sky Sport, 35-vjeçari nuk është i interesuar për një lëvizje në ShBA ose Arabi Saudite dhe preferon një ekip në Evropë, përcjellë.
Për gjermanin, më seriozi është klubi i AC Milan, i cili është në “pole-position” për nënshkrimin e tij si transfer i lirë.
Hummels po mendon largimin nga “Verdhezinjtë” pasi ka prishur raportet me trajnerin Edin Terzic, madje duke i kritikuar taktikat e tij para ndeshjes finale ndaj Real Madrid.
Qendërmbrojtësi ka thënë se deri pas finales do të marrë një vendim definitiv, derisa ka bërë me dije se pensionimi nuk është si opsion.
Fatkeqësisht, pas paraqitjeve të mëdha me Dortmundin këtë sezon, Hummels nuk mori ftesën për në “EURO 2024” nga Julian Nagelsmann.
Hummels ishte pjesë e Dortmundit në dy periudha të ndryshme, një herë nga viti 2009 deri më 2016, dhe më vonë nga 2019-a deri më tash
