Mbrojtësi gjerman, Mats Hummels pritet që karrierën ta vazhdoj në Premier League të Anglisë.
Pasi refuzoi t’i bashkohet Bolognas në Serie A, Hummels edhe zyrtarisht është në negociata me dy skuadra angleze.
Bëhet fjalë për Brightonin dhe Ëest Ham Unitedit, të cilat po insistojnë në transferimin e Hummelsit që është lojtar i lirë pasi i skadoi kontrata me Borussia Dortmundin.
Krahas Dortmundit, Hummels ka luajtur edhe për Bayern Munchenin ndërsa me Kombëtaren e Gjermanisë ka regjistruar 75 paraqitje dhe ka shënuar 5 gola.
Hummels po kërkon kontratë dyvjeçare derisa skuadrat nga Anglia i kanë ofruar atij marrëveshje për një vit me opsionin e vazhdimit edhe për një vit tjetër.
Si Brightoni ashtu edhe West Hami po e shohin Hummelsin si përforcim të duhur për mbrojtjen në sezonin e ri, duke pasur parasysh përvojën e tij të madhe në futbollin evropian.
