Përmes një postimi në Facebook, Hoxhaj tha se vetëm gjatë javës së kaluar tri herë Kosova u godit direkt, shkruan tëvë1.info.
“Rusia është gati ta fillojë edhe një luftë tjetër kundër Ukrainës. Kosova është vija e parë e fushatës agresive ruse në Ballkan, ku vetëm gjatë javës së kaluar tri herë Kosova u godit direkt! Në fillim të javës Putini akuzoi NATO-n për bombardimin e Serbisë. Por, mori përgjigje nga Kancelari Scholz i cili i tha se NATO ndali gjenocidin serb në Kosovë! Në fund të javës së kaluar, Lavrovi, akuzoi Shqipërinë dhe Kosovën që po rekrutojnë mercenarë për luftën në Ukrainë! Në fund, edhe një eurodeputete franceze pro ruse gënjeu gjithashtu diçka edhe kundër Kosovës!”, ka shkruar ai.
Sipas tij, kjo tregon se Kosova është pjesë e betejës propagandistike të luftës në Ukrainë.
“Para luftës kundër Gjeorgjisë në 2008, aneksimit të Krimesë në 2014, referendumeve për pavarësi të Katalonisë dhe të Skocisë më vonë e zgjedhjeve parlamentare apo presidenciale në disa vende të BE-së, vet Putini dhe diplomatë rusë përmes dezinformimit dhe lloj-lloj gënjeshtrje kanë goditur Kosovën!”, ka thënë Hoxhaj.
Nënkryetari i Kuvendit thotë se Qeveria e Kosovës po dështon të kundërgodasin Rusinë, përkundër të gjitha deklaratave sulmuese të fundit të bëra ndaj kësaj të fundit ndaj Kosovës.
“Qeveria e Kosovës po dështon të kundërgodasin Rusinë sepse nuk mjafton një postim në “Twitter” si reagim ad-hoc e as një deklaratë për mediat tona për të na bindur se po ndodhë diçka! Goditja ruse e javës së fundit ka mundur ta përcaktojë numrin aq të vogël të takimeve dhe nivelin e ultë gjatë Konferencës së Sigurisë në Mynih! Por, ndoshta krerët shtetërorë që ishin atje nuk e kuptojnë as kah po ju vjen!”, ka theksuar ai.
Ndërkaq, Hoxhaj ka treguar se që nga fillimi i krizës në Ukrainë Këshilli i Sigurisë Kombëtare në Kosovë nuk është takuar asnjëherë, duke potencuar se Serbia ka mbledhur Këshillin e saj për t’i dhënë mbështetje betejës kundër Kosovës. /tëvë1.info/
Postimi i plotë:
