Duke e komentuar situatën e tensionuar në veri të vendit, i ftuar në emisionin “ResPublika” në tëvë1, Hoxhaj tha se ka një rikthim të showenizmit serb i cili sipas tij ka qenë parakusht për lufta në ish -Jugosllavi.
“Partnerët ndërkombëtarë do të duhet të jenë më të prerë, më të vendosur në raport me Serbinë dhe është e pakuptueshme se si Serbia në vitin 2022 sillet njëjtë sikur Serbia e vitit 1992 dhe kur unë e dëgjoj se si flet Vuçiqi në mediat vendore dhe ndërkombëtare se çfarë thotë Daçiqi apo Vulini, ka një rikthim të showenizmit serb i cili ka qenë parakusht për konflikte dhe lufta enë ish-jugosllavi dhe mendoj që kësaj duhet t’i ipet fund”, tha ai.
I pyetur për deklaratën e Vuçiqit sipas të cilës do t’i kërkohet “kthimi i forcave serbe të sigurisë në Kosovë sipas Rezolutës 1244”, Hoxhaj tha se nuk duhet të merret parasysh në deklaratë e tillë pasi që sipas tij kjo nuk është e mundur.
“Nuk duhet të merret fare seriozisht një deklaratë e tillë e para sepse dihet që në Kosovë ka një prani ndërkombëtare të KFOR-it në këto 22-23 vitet e fundit e cila ka qenë kornizë e jashtme e Qeverisë së Kosovës dhe -kufijtë e Kosovës janë të paprekshëm. Dhe së dyti dihet që Serbia është tërheq dhunshëm nga Kosova pas një triumfi historik që kemi pasur ne si popull”, tha ai.
Tutje deputeti i PDK-së tha se “Kosovës i duhet një ofanzive diplomatike teksa theksoi se nuk guxon lihet kjo gjendje e cila është aktualisht në veri.
“Kosova duhet të jetë ne ofanzivë, nuk guxon kjo gjendje e cila është aktualisht në veri të vendit të lihet në mënyrën se si është lënë aktualisht dhe duhet një ofenzive po ashtu diplomatike se kur ne po bisedojmë sonte, serbët paralelisht me goditjen që i kanë bërë Kosovës në veri të vendit po bëjnë edhe një betejë të madhe ndërkombëtare kundër Kosovës dhe kjo çka po ndodhë në 3-4 javët e fundit nuk është asgjë tjetër veçse luftë hibride e Serbisë kundër Kosovës”, shtoi Hoxhaj./Teve1.info/
