Me këtë rast, Enver Hoxhaj nga PDK ka thënë se Kosova u është përjetë falënderuese ushtarëve të NATO-s që humbën jetën gjatë bombardimeve.
Hoxhaj po ashtu është shprehur falënderues edhe ndaj SHBA-së dhe Perëndimit për mbështetjen e vazhdueshme në shtetndërtimin e Kosovës.
“Para 23 vitesh bota u bashkua që ta ndalojë gjenocidin serb në Kosovë. Sot, Kosova kujton ushtarët e NATO-s që humbën jetën gjatë bombardimeve që ndaluan gjenocidin dhe u është përjetë falenderuese. Ky aeroplan në fotografi është njëri prej të shumtëve të përfshirë në bombardimet e NATO-s dhe që tani ruhet në bazat ushtarake në Lituani. Përjetë falënderues ndaj ShBA-së dhe Perëndimit për mbështetjen e vazhdueshme në rrugëtimin dhe shtetndërtimin tonë!”, ka shkruar Hoxhaj në Facebook. /Teve1.info/
