Gjatë qëndrimit në Kopenhagë, deputeti i Partisë Demokratike të Kosovës, Enver Hoxhaj është takuar me kryetarin e Komiteti për çështje evropiane të Parlamentit danez, Niels Flemming Hansen.
Me këtë rast, Hoxhaj ka bërë të ditur se ka falënderuar atë për mbështetjen ndaj Kosovës, përcjell teve1.info
Sipas tij, Kosova është me fat që e ka mbështetjen e Danimarkës për anëtarësim në organizatat ndërkombëtare.
“E falenderova për mbështetjen ndaj Kosovës në rrugën Euro-Atlantike. Kosova është me fat që ka mbështetjen e Danimarkës për t’u anëtarësuar në organizatat ndërkombëtare, dhe si shtet anëtar i NATO-s, ajo mund ta mbështesë vendin tonë drejt anëtarësimit në Aleancë”, ka shkruar ai në Facebook.
