Hoxhaj në Tëvë 1 tha se BE-ja ka kërkuar nga Kosova dyfishin e kritereve që u kishte kërkuar shteteve tjera për këtë proces.
“Por një gjë mund ta them se BE-ja ka qenë fer e padrejtë dhe ka pasur një qasje raciste në raport me Kosovën sa i takon liberalizimit të vizave se kanë kërkuar nga ne ta miratojmë demarkimin e kufirit me Malin e Zi, kanë kërkuar dyfishin e kritereve dhe mënyra se si janë sjellë nga 2018-ta deri më sot ku fare s’ju ka bërë përshtypje që ta mbsështesin qytetarin e Kosovës të lëviz drejt Evropës mendoj që është kryekëput raciste dhe e them me kuptimin e plotë të fjalës sepse durimin tonë i ka ardhë fundi”, u shpreh Hoxhaj në emisionin Respublika.
Teksa e përmendi demarkacionin, Hoxhaj thotë se ata që janë tashmë në Qeveri – Lëvizja Vetëvendosje, gjatë vitit 2016 i kishin humbur shanset Kosovës që të fitojë liberalizimin e vizave.
“Ndërsa për ne kohëve të fundit s’fol askush për këtë temë por kjo tregon për diçka tjetër që ne kemi hyrë në njëfarë faze kur po i kryejmë punët, po bëhen shumë vonë… Ishte demarkacioni 3 vjet, në 2016-ën ishte shansë e madhe dhe ata të cilët i lanë qytetarët e Kosovës pa viza janë sot në Qeveri dhe kjo është ironia e historisë tash e përjetojnë vetë tash lobojnë për diçka që kemi mundur ta arrijmë para 4 vitesh”, tha ai.
Kurse, mosliberalizimin e vizave për Kosovën ai e quan absurd për shkak se ky proces iu mundësohet shumë vendeve që “nuk janë as brum as bosht në raport me Evropën, sikurse është Kosova”.
“Është absurde sepse çdo ditë lexoj në media perëndimore që këtij apo atij vendi në Lindje të Mesme, Evropë Lindore, Amerikën Latine që janë shtete që nuk plotëosjnë asnjë kriter demokratik as sundim të ligjit, as ekonomi të lirë të tregut, as media të lira që nuk janë as brum as bosht çka është Kosova në raport me Evropën”, shtoi Hoxhaj.
