Drejtori i Policisë së Kosovës, Gazmend Hoxha ka thënë polici D.B ndaj të cilit Serbia ka lëshuar arrest është kërcënuar edhe më jetë.
Ai thotë se këto kërcënime vijnë përmes rrjeteve sociale që menaxhohen nga grupe të serbëve në veri të vendit.
Hoxha ka thënë së kërcënimet do të trajtohen me seriozitet nga policia.
“Sa i përket kërcënimeve zyrtari policor ka pranuar kërcënime në rrjetet sociale të cilat menaxhohen nga grupet e Serbeve në Veri duke bërë thirrje për vrasjen e tij dhe duke kthyer atë në një kufomë apo xhenaze siç kanë thënë ata. Këto kërcënime/ kanosje do të trajtohen seriozisht nga Policia e Kosovës”, ka thënë Hoxha.
Ai ka thënë se pretendimet për sjelljet e policit janë adresuar në Inspektoratin e PK-së dhe se polici është transferuar në Mitrovicë të Jugut për siç ka thënë ai shmangie të çdo provokimi të mundshëm.
“Pretendimet e tilla ne i kemi adresuar në Inspektoratin Policorë të Kosovës për me hetuar, njëkohësisht zyrtari jonë policorë është transferuar në Mitrovicën e Jugut me qëllim të evitimit të çfarë do kontakti të mundshëm apo çfarë provokimi që do të kishte mundur të ndodh ditëve në vijim”, ka thënë Hoxha të dielen në konferencën për media ku foli për rastin e të premtes në veri të Mitrovicës.
Për lëshimin e fletarrestim të lëshuar nga Serbia ndaj policit kosovar, Hoxha ka thënë se është vazhdimësi e veprimeve të këtij shteti ndaj Policëve të Kosovës përfshirë edhe atyre nga komuniteti serb.
“Edhe njoftimi i djeshëm se ndaj policit tonë D.B është lëshuar një flet arrest është në vazhdën e përndjekjeve që ka bërë Serbia ndaj policëve tonë përfshirë edhe ata të komunitetit Serb. E gjithë kjo është një përndjekje e policëve tanë dhe kjo propagandë e vazhdueshme e fabrikuar dëshmonë se Policia e Kosovës është bërë target i sulmeve hibride që burimin e kanë në Beogradin zyrtarë”, tha Hoxha.
Hoxha për incidentin në veri: Maturanti s’kishte shenja dhune në qafë, ishte vizatim me marker
