Kandidatja për deputete nga PDK, Eliza Hoxha, ka deklaruar se vendi ka nevojë për krijimin e një shumice të re politike, e cila do t’i hapte rrugë ndryshimit të udhëheqjes aktuale të shtetit.
Ajo theksoi se nuk ka pasur asnjëherë vija të kuqe me partitë shqiptare dhe se qëllimi është bashkimi për të ndërtuar një alternativë qeverisëse.
Sipas Hoxhës, synimi kryesor është që Albin Kurti të mos jetë më kryeministër i Kosovës, duke vlerësuar se qasja e tij ka qenë agresive dhe ka sjellë polarizim të thellë shoqëror dhe politik.
Derisa, ajo shtoi se kjo mënyrë e udhëheqjes të Kurtit ka mbjellë zemërim të madh dhe ka dëmtuar funksionimin normal të institucioneve.
Ndërkohë, Hoxha ripërsëriti se synimi i PDK-së, është të garojë fuqishëm në zgjedhje, të fitojë më shumë ulëse në Kuvend, të rrisë numrin e deputetëve dhe përfaqësimin, si dhe të rikthejë besimin e qytetarëve.
Sipas saj, Kosova nuk mund të ecë përpara me këtë nivel përçarjeje.
“Ai që ka më shumë mandate I takon atij për të krijuar hapësitrë për të diskutuar dhe për të krijuar shumicën e thjeshtë për t’i adresuar tutje institucionet, nuk kemi pasur asnjëherë vija të kuqe me partitë shqiptare, ne synojmë që të bëhemi bashkë që Kurti të mos jetë kryeministër i Kosovës, ne synojmë të garojmë, të marrim ulëse më shumë, të rrisim numrin e deputetëve, përfaqësimin dhe besimin tonë, ne synojmë që Kurti të mos jetë në udhëheqjen e shtetit, e ka sjell me qasjen aggressive të tij, ka mbjellë zemërim të jashtëzakonshëm, ka polarizua shoqërinë dhe skemën poltitike. S’mundet kështu me ec Kosova përpara”, ka deklaruar Hoxha në emisionin “Mesditë” në Tëvë1./teve1.info/
