Sulmuesi i krahut, Arbër Hoxha ka thënë se ndihet tejet i lumtur që është pjesë e Kombëtares së Shqipërisë.
Futbollisti i Dinamo Zagrebit është ftuar nga selektori i Shqipërisë, Sylvinho për miqësoret e këtij muaji. Hoxha nëpërmjet një video-mesazhi ka ftuar tifozët shqiptarë që ta përkrahin në ndeshjen kundër Kilit. Dueli mes Shqipërisë dhe Kilit, zhvillohet të premten në Itali.
“Përshëndetje adhurues shqiptarë. Unë jam Arbër Hoxha dhe ndihem shumë i lumtur që jam pjesë e Kombëtares. Ju presim të premten në Parma në ndeshjen kundër Kilit. Forca Shqipëri”, ka thënë Hoxha në një videomesazh të publikuar të martën në faqen e Federatës Shqiptare të Futbollit (FSHF).
Hoxha për herë të parë është ftuar te Shqipëria, që tri ditë pas duelit me Kilin përballet me Suedinë në Stockholm.
