Sulmuesi i krahut, Arbër Hoxha pritet të largohet këtë verë nga Dinamo e Zagrebit.
Futbollisti i Kombëtares së Shqipërisë është në shqyrtim të ofertave dhe së shpejti pritet të marrë vendimin për të ardhmen e tij.
Mësohet se Hoxha nuk bën pjesë më në planet e Dinamos, ekip që tashmë e ka nxjerr në shitje dhe po kërkon të paktën 2 milionë euro.
26-vjeçari ka kontratë me Dinamon deri në vitin 2027, ndërsa interesim për transferimin e tij, kanë shprehur skuadra nga Italia, Turqia e Anglia.
Lecce, Kayserispor e Hull City po synojnë transferimin e Hoxhës, i cili ka shënuar 3 gola dhe ka bërë po aq asistime në të gjitha garat për Dinamon sezonin e fundit.
