Ambasadori amerikan Jeffrey Hovenier ka vizituar sot Komunën e Gjakovës.
Kryetari i kësaj komune, Ardian Gjini ka thënë se Kosova është e bekuar që afër vetes ka shtetin më demokratik në botë.
“Ambasadorin Hovenier e falënderova për tërë kontributin dhe angazhimin e përhershëm të Shteteve të Bashkuara të Amerikës e gjithsesi edhe të tij personal për Kosovën, teksa i rikujtova që populli i Kosovës është i bekuar për faktin se e ka afër shtetin më të fuqishëm dhe më demokratik në botë, falë së cilit edhe Kosova ngadalë por sigurt, po e merr formën e një shteti demokratik, me vullnet e aspirata për të qenë një shtet me një të ardhme të ndritur evropiane”, ka shkruar Gjini.
Tutje ai ka bërë të ditur se e ka informuar ambasadorin për planet komunale.
