Ambasadori i Shteteve të Bashkuara të Amerikës në Kosovë, Jeffrey Hovenier ka njoftuar për takimin me kryeministrin Albin Kurtin gjatë ditës së sotme, bashkë me Administratoren e Agjencisë Amerikane për Zhvillim Ndërkombëtar (USAID), Samantha Power e cila ndodhet për një vizitë zyrtare në Kosovës.
Hovenier ka thënë se bashkë me shefen e USAID-it, janë inkurajuar duke parë progresin e vazhdueshëm të Kosovës në fushën e luftës ndaj korrupsionit dhe sundimit të ligjit.
Diplomati amerikan po ashtu ka bërë të ditur se para Kurtit, e kanë përsëritur rëndësinë e themelimit të Asociacionit të komunave me shumicë serbe.
“Bisedë e frytshme me administratoren e USAID dhe kryeministrin Albin Kurti. Të inkurajuar që pamë ecjen e pandalur të Kosovës përpara, veçanërisht luftën kundër korrupsionit dhe sundimin e ligjit. Ne përsëritëm rëndësinë e implementimit të plotë të marrëveshjeve të Dialogut, përfshirë themelimin e AKS-së”, ka shkruar Hovenier në Twitter.
Power para vizitës në Kosovë qëndroi për vizitë në Serbi. Ajo erdhi nga SHBA-ja me mbështetjen e presidentit amerikan Joe Biden, siç u bë e ditur, për të ulur tensionet dhe për ta mbështetur dialogun ndërmjet Kosovës dhe Serbisë.
Fruitful conversation with Administrator @PowerUSAID and PM @AlbinKurti. Encouraged to see Kosovo’s continued forward movement, especially anti-corruption & rule of law. We reiterated the importance of full implementation of Dialogue agreements, including on establishing the ASM. https://t.co/3rRRMRceOb
— Ambassador Jeff Hovenier (@USAmbKosovo) May 12, 2023
