Ambasadori i Shteteve të Bashkuara të Amerikës në Kosovë, Jeffrey Hovenier, ka shprehur drojë se Kosova rrezikon të përballet me tensione të reja në veri për shkak të rregullores së re të BQK-së.
“Nuk e di si mund të shmanget të paktën frustrimi nga qytetarët prej implementimit të vendimit. Të marrim shembull një pensionist që merr ndihmë financiare. Është i mësuar me këtë sistem. Supozoj se ai ka shkuar në një pikë të caktuar për të marrë ndihmën. Si do ta marrë këtë përfitim ai? Çka do të ndodhë me të? Ai i moshuar mund të jetë i shokuar për këtë…. mendoj se mund të ketë tensione nga njerëzit që do të ndihen të lënë jashtë ndihmave nga të cilat varen. Askush nuk e do një gjë të tillë”, ka thënë ai.
Ai ka thënë se Qeveria e Kosovës duhet të gjej një mënyrë për të zgjidhur çështjen e rregullores së BQK-së, si dhe ka kërkuar një lloj gjykimi për të.
Hovenier tha se është i shqetësuar edhe sa i përket dialogut Kosovë – Serbi.
“Kemi shqetësime dhe obligime të vërteta për zbatimin e këtij raporti dhe më duhet të them se kjo është koha e duhur. Shpresojmë që qeveria të gjej një mënyrë për të realizuar dhe duhet të ketë një lloj gjykimi për këtë”, tha ai në një konferencë për media.
Rregullorja e BQK-së thotë se euroja është e vetmja valutë zyrtare në vend, dhe që ndalon dinarin serb, me të cilin komuniteti serb në veri ka marrë mjete nga Serbia./teve1.info/
