Ambasadori i SHBA-së në Kosovë , Jeff Hovenier ka përshëndetur miratimin e projektligjit për reformën zgjedhore.
Ai ka thënë se ky është një shembull i rezultateve të mira kur partitë punojnë bashkë me partnerët ndërkombëtar.
“Unë përshëndes miratimin e legjislacionit të reformës zgjedhore nga Kuvendi — një shembull i rezultateve të mira që rezultojnë kur partitë punojnë së bashku dhe me partnerët ndërkombëtarë të Kosovës. Këto reforma e harmonizojnë më tej Kosovën me standardet e BE-së dhe forcojnë normat demokratike”, ka shkruar ai në Twitter.
Kuvendi i Kosovës brenda një seance ka miratuar edhe në lexim të dytë këtë projektligj.
Por, shoqëria civile në Kosovë ka thënë se projektligji nuk adreson çështjet kyçe të reformës zgjedhore./teve1.info/
