Ambasadori i ShBA-së në Kosovë, Jeffrey Hovenier, ka mirëpritur vendimin e Ministrit të Shëndetësisë, Arben Vitia, për furnizim me barna të spitaleve dhe qendrave mjekësore në komunat me shumicë serbe.
Hovenier, ka shkruar se përgëzon përkushtimin e Vitisë për t’i shërbyer të gjitha komuniteteve në Kosovë.
“I bashkohem kolegut tim nga BE, për të mirëpritur miratimin e shpejtë të vendimit nga ministri Vitia për donacionet me barna dhe furnizimet mjekësore. E përgëzoj përkushtimin e tij të vendosur për t’i shërbyer të gjitha komuniteteve në Kosovë”, ka shkruar Hovenier.
Veprimin e ministrit të Shëndetësisë e ka mirëpritur edhe shefi i Zyrës së BE-së në Kosovës, Tomas Szunyog.
Szunyog ka bërë të ditur se e vlerëson veprimin e Vitisë, për aprovimin e furnizimit me barna të spitaleve dhe QKMF-ve për komunitetet me shumicë serbe.
“E vlerësojmë miratimin e shpejtë nga ministri i Shëndetësisë, Arben Vitia, dhe ekipi i tij i kërkesës për ofrimin e barnave dhe furnizimeve mjekësore për spitalet dhe qendrat shëndetësore në zonat e komunitetit me shumicë serbe të Kosovës”, ka shkruar ai në “X”./teve1.info/
I join my EU colleague in welcoming Minister @arbenvitia’s rapid approval of donations of medicine and medical supplies and commend his firm commitment to serving all communities in Kosovo. https://t.co/CAj5IVlTuQ
— Ambassador Jeff Hovenier (@USAmbKosovo) November 2, 2023
