Ish-kryeministri i Kosovës, Avdullah Hoti, ka thënë se marrëdhëniet me ShBA-në janë të rëndësisë ekzistenciale për Kosovën.
Ai ka thënë se për ruajtjen e tyre duhet angazhim i të gjithëve.
“Marrëdhëniet e Kosovës me ShBA-në janë të rëndësisë ekzistenciale — për ne, jo për ShBA-në. Prandaj duhet të angazhohemi të gjithë për të mirëmbajtur miqësinë tonë të përhershme me ShBA-në, që është mbështetësi kryesor i Kosovës”, ka shkruar Hoti në Facebook.
Ai ka listuar disa vlera të përbashkëta që kanë Kosova dhe ShBA.
“Për më tepër, ne ndajmë vlerat e përbashkëta si: përkushtimi për të mbrojtur liritë individuale dhe kolektive, mbrojtja dhe avancimi i demokracisë, shtypi i lirë dhe shoqëria civile dinamike që e mbikëqyrin pushtetin, ndarja e qartë e pushtetit ekzekutiv e legjislativ nga gjyqësori, si dhe ekonomia e lirë të tregut dhe konkurrenca si bazë për zhvillim dhe mirëqenie individuale e kolektive”, ka shkruar deputeti i LDK-së.
Ftohja e raporteve ndërmjet dy vendeve sipas opozitarëve dhe disa analistëve po thuhet se ka ndodhë pas refuzimit të Kurtit për formimin e Asociacionit.
Pasoja për Kosovën dhe Serbinë në rast të dështimit të arritjes së një marrëveshje kanë paralajmëruar edhe zyrtarë të BE-së dhe ShBA-së./teve1.info/
