I ftuar në “Info Nata” në Tëvë 1, Hoti thotë se edhe në letrën e sekretarit amerikan të shtetit, Antony Blinken thuhet se çdo ruajtje e status qos së Kosovës shkon në interes të Rusisë dhe Serbisë.
“Dialogu vazhdimisht ka qenë problematik edhe liderët e kalaur nuk e kanë pasur lehtë me Serbinë po Kosova nuk e ka shansin ashtu si është thënë në letrën e Blinkenit në autoritetet kosovare se çdo ruajtje e status qous shkon në interes të Rusisë dhe Serbisë dhe çdo zgjidhje e problemit shkon në interes të Kosovës dhe fuqizimit nuk e ka thënë ai por kjo shkon në interes të fuqizimit të faktorit shqiptar në Ballkan”, tha ai.
Sipas tij, nëse Qeveria aktuale konsideron se të gjitha marrëveshjet janë të dëmshme, atëherë këtë çështje ta dërgojë në Gjykatë Kushtetuese.
“Qeveria e Kosovës duhet të lëvizë konstruktivisht dhe me vendosmëri në këtë proces dhe nuk ka shumë rrugë ose duhet nëse konsiderojnë që të gjitha marrëveshjet kanë qenë të këqija atëherë duhet ose të dërgojë të gjitha në Kushtetuese ta marrrin një legjitimitet dhe më pas për t’i shfuqizuar ose nëse nuk e bëjnë hapin e tillë atëherë Kosova duhet të futet në dialog me Serbinë dhe jo të mirret me çështje parciale sepse pa u rregulluar problemi kryesor me Serbinë një marrëveshje e përgjithshme me njohje të ndërsjellë, të gjitha këto tjerat janë të kota dhe shkojnë në interes të Serbisë”, shtoi ai./teve1.info/
