Gjatë fjalës së tij në Kuvend, Hoti tha se me këtë ligj është e targetuar vetëm një pjesë e sektorit privat, përcjell teve1.info
“Ky është ndër ligjet më absurde që është shkruar deri më tani. Mënyra si e keni shkruar këtë ligj e targetoni vetëm një pjesë të sektorit privat, pra nuk arrihet qëllimi i këtij ligji për barazi sociale. Ne nuk mund të themi se i kemi konsumu diskutimet dhe po lëvizim përpara pa këshillin ekonomik-social.Qeveria s’mund të lëvizë pa një konsultim me komunitetin e biznesit. Këta janë partnerët socialë që qeveria domosdo duhet të komunikojë dhe t’i bëjë pjesë e vendimmarrjes. Në sistem demokratik kërkohet arritja e dakordimit dhe jo betonim në pozicione të caktuara”, tha Hoti.
Hoti shtoi se gjithashtu edhe pensioni i veteranit nuk mund të shkëputet nga ligji për rritjen e pagës minimale.
“Një veteran i luftës që merr pensionin e veteranit të luftës nuk mund të punojë, ai pension është burim i të ardhurave dhe rrjedhimisht është lidhë me pagën minimale dhe s’mund të shkëputet kjo, s’mundesh me thënë që e rrisim pagën minimale por ju qëndroni aty ku jeni”, theksoi ai. /Teve1.info/
