Sot Lëvizja Vetëvendosje ka shpërndarë një video përmes së cilës ka kritikuar qasjen e Lidhjes Demokratike të Kosovës sa i përket ekonomisë.
Për këtë ka reaguar deputeti i LDK-së, Avdullah Hoti, i cili tha se për video ka pritur që LVV-ja të tregojë sa kanë qenë investimet e jashtme, sa vende pune janë krijuar e sa është zvogëluar importi i mallrave nga Serbia, por siç thotë ai, jo.
“Prita se është ndonjë video që tregon sa kanë qenë investimet e jashtme, sa vende pune janë krijuar, sa është zvogëluar importi i mallrave nga Serbia, sa ka qenë rritja ekonomike, sa është reduktuar inflacioni nga politikat e Qeverisë?! Por, JO!”, ka shkruar ai në një postim në Facebook.
Sipas Hotit, video e LVV-së ishte propagandë për mashtrim të publikut.
“Ishte video për të vetmen gjë që dinë ta bëjnë — propagandë për mashtrim të publikut”, ka thënë ai.
Në video e Vetëvendosjes thuhet që LDK-ja po mburret me akademikët, derisa akuzoi këtë parti për propozimet për daljen nga kriza.
Ata shtuan se “doktorët” e LDK-së, me propozimet e tyre dëshiruan që ta shkatërronin sistemin pensional të Kosovës. /Teve1.info/
https://teve1.info/lajmet/vetevendosje-me-video-akuzon-ldk-ne-per-qasjen-ne-ekonomi/
