Deputeti i LDK-së, Avdullah Hoti, njëherit edhe ish kryeministër i Kosovës, tha se gjendja politike në Kosovë kurrë nuk ka qenë më e keqe, raporton teve1.info
Përmes një statusi në Facebook, Hoti ka shkruar se shteti i Kosovës kurrë nuk ka pasur më shumë sanksione dhe raportet më keq se aleatët ndërkombëtarë.
Sipas tij, kurrë më shumë kontrata njëburimore se në Qeverinë Kurti nuk ka pasur në Kosovë, gjendje më të keqe në investimet kapitale e bashkëpunim të dobët në mes të Qeverisë e komunave.
“Kurrë nuk ka qenë më i keq bashkëpunimi mes Qeverisë dhe sindikatave e shoqërisë civile.
Kurrë nuk ka qenë më e mbyllur e më linçuese Qeveria ndaj mediave.
Kurrë nuk janë sulmuar deputetët e opozitës në parlament nga Qeveria.
Kurrë nuk janë mbyllur spitalet rajonale apo klinikat e QKUK-së për operacione të pacientëve.
Kurrë nuk ka qenë gjendja më keq në komunat në veri se tani.
Si rezultat, kurrë më shumë qytetarë nuk kanë emigruar se në këto dy vite (përveç gjatë viteve të 1990-ta). Kurrë më shumë qytetarë sesa tani nuk kanë shprehur gatishmëri për të emigruar: 57% e qytetarëve duan të emigrojnë”, ka shkruar Hoti.
