Hoti në këtë takim ka theksuar se dialogu Kosovë-Serbi është mekanzimi i vetëm për të normalizuar marrëdhëniet mes këtyre dy vendeve, shkruan Teve1.info.
“Por, të nderuar kolegë nga Parlamenti Evropian, në funksion të paqes afatgjate, rajoni ka nevojë për qartësi dhe progres konkret në integrimin evropian. Vetëm kështu vuloset paqja afatgjatë në rajon. Besoj se të gjithë pajtohemi se kjo mund të arrihen vetëm përmes normalizimit të plotë të marrëdhënieve fqinjësore, i cili proces nënkupton njohjen e realitetit dhe marrjen e përgjegjësisë për të kaluarën”, tha ai.
Ai thotë se Kosova është për normalizim të raporteve me Serbinë, por sipas tij kjo e fundit me deklaratat e kohëpaskoshme të zyrtarëve të saj tregon se ky vend nuk është liruar nga e kaluara.
“Në këtë kontekst, dialogu Kosovë-Serbi është mekanizmi i vetëm për të normalizuar marrëdhëniet mes dy vendeve. Për Kosovën nuk ka rrugë tjetër për normalizim të marrëdhënieve. Por nuk mund ta themi këtë edhe për palën serbe. Deklaratat e kohëpaskohshme të zyrtarëve serbë tregojnë se Serbia nuk është liruar nga e kaluara”, ka thënë se Hoti.
Ish-kyreministri i Kosovës ka kritikuar përfaqësuesin e BE-së për dialogun Kosovë-Serbi, Miroslav Lajçak në lidhje me qasjen e tij ndaj dialogut. Sipas tij Lajçaku nuk po e përmend “njohjen reciproke” mes dy vendeve.
“E para, Serbia nuk ka ndryshuar qasje. Deklarimet e palës serbe janë shqetësuese për paqen afatgjatë në rajon. Po vazhdon interferimi i Serbisë në jetën e përditshme të komunitetit serb në Kosovë. Strukturat ilegale të Serbisë në Kosovë janë ri-aktivizuar. Me vendime të shtetit serb janë emëruar bartës të këtyre strukturave ilegale në Kosovë. Kjo qasje po e pengon integrimin e komunitetit serb në jetën institucionale, shoqërore dhe ekonomike në Kosovës. E dyta, Bashkimi Evropian po vazhdon me qasjen e “ambiguitetit konstruktiv” sa i përket dialogut. Ndërmjetësi i dialogut, z. Lajçak, kujdeset që të mos e përmend qartë, hapur dhe pa ekuivokë “njohjen reciproke”, që është qëllimi kryesor dhe i vetëm i dialogut”, tha Hoti.
Ai ka folur edhe si opozitë për sjelljen e palës kosovare në dialog. /teve1.info/
Postimi i plotë:
