Deputeti i LDK-së, Avdullah Hoti ka thënë se shteti i Kosovës ka dalë fituese duke bërë politikë të mençur, e jo siç tha ai, politikë të forcës.
Ai në Facebook tha se Kosova nuk ka dobi nga veprime të cilat sado të drejta që duken në shikim të parë, na dëmtojnë qëllimin tonë afatgjatë — që është integrimi në BE e NATO dhe miqësia e përhershme me ShBA-në.
ADVERTISEMENT
“Kosova ka dalë fituese duke bërë politikë të mençur, e jo politikë të forcës. Kosova ka dalë fituese duke ndjekur këshillat e aleatëve, e jo duke u konfrontuar me ta. Kosova nuk ka dobi nga veprime të cilat sado të drejta që duken në shikim të parë, na dëmtojnë qëllimin tonë afatgjatë — që është integrimi në BE e NATO dhe miqësia e përhershme me ShBA-në”, shkroi Hoti./teve1.info./
