Andin Hoti, kryetari i Komisionit Qeveritar për Personat e Zhdukur, ka bërë të ditur më 15 janarit në Bruksel do të mbahet takimi i parë inaugurues i Komisionit të Përbashkët, i cili do të zhvillohet në nivel të zëvendësuesve.
Hoti në një postim në Facebook ka thënë se takimi ka për qëllim përcaktimin e planit të punës.
Ai ka thënë se Kosova do të paraqesë disa kërkesa që ndërlidhen me zbatimin e deklaratës për të zhdukurit.
“Takimi ka për qëllim përcaktimin e planit të punës për seancat e ardhshme, si dhe adresimin e disa çështjeve të rëndësishme për çështjen e personave të zhdukur. Në këtë kontekst, delegacioni ynë do të prezantojë disa kërkesa kyçe, që ndërlidhen kryesisht me monitorimin e zbatimit të Deklaratës për Personat e Zhdukur, me fokus të veçantë në shkresën për arkivat, të cilën e kemi adresuar tek Vuçiq, dhe çështje tjera të rëndësishme në këtë fushë. Ky takim është një hap i rëndësishëm drejt zbatimit të marrëveshjes ekzistuese ‘Deklaratës për Persona të Zhdukur’ e miratuar me 2 Maj 202”, ka shkruar Hoti.
Lajçak: Fokusi këtë javë te takimi i parë i Komisionit të Përbashkët për të zhdukurit
