Deputeti i Lidhjes Demokratike të Kosovës, Avdullah Hoti, ka thënë se konferenca e kryeministrit të Kosovës për dialogun ishte vajtim dhe dëshmi e paaftësisë së Kurit për ta udhëhequr atë.
Hoti përmes një postimi në Facebook ka listuar disa pika nga ky raportim i Kurtit, i cili sipas Hotit për dialogun duhet të raportojnë në Kuvend.
Raportimi i sotëm para mediave lidhur me dialogun i Kryeministrit ishte vajtim dhe dëshmi e paaftësisë së tij që të udhëhequr këtë proces: (i) me vizion të qartë dhe insistim vetëm për njohje reciproke, (ii) në koordinim me aleatët dhe (iii) me konsensus të brendshëm politik për këtë proces të rëndësishëm. Raportimi lidhur me dialogun duhet të bëhet në Kuvendin e Kosovës, siç e kërkon Rezoluta e Kuvendit”, ka shkruar Hoti.
Ai ka thënë se Kurti i ka bërë dëm të madh Kosovës duke e degraduar dialogun.
“Dialog për marrëveshje finale, ligjërisht të obligueshme, për njohje reciproke dhe normalizim të marrëdhënieve”, në “Dialog për menaxhim të krizave”. Duhet thënë se krizat janë provokuar nga Serbia, por ato janë menaxhuar keq dhe pa koordinim me aleatët nga ana e Qeverisë së Kosovës. Për herë të parë Kosova është e vetme në dialog karshi Serbisë. Fatkeqësisht, duket se Qeveria e Kosovës sot nuk e ka afër asnjë aleat për konsultime paraprake, siç ka ndodhur gjithmonë në procese negociatore të Kosovës me Serbinë”, ka shkruar Hoti./teve1.info/
Kurti: Në takimin trilateral u përballa me një skenar të përgatitur kohë më parë nga Lajçak
