Deputeti i LDK-së, Avdullah Hoti, ka thënë se moszgjidhja e Guvernatorit dhe Zëvendësguvernatorit të Bankës Qendrore të Kosovës, u bë me qëllim për t’i hapur rrugë kryetarit të Bordit të BQK-së për të marrë këtë pozitë, raporton teve1.info
Përmes një statusi në Faecbook, Hoti ka shkruar se edhe UD së Zëvendësguvernatorit të BQK-së, është shkarkuar këto ditë, për këtë qëllim.
“Hap pas hapi drejt pozitës së Guvernatorit të Bankës Qendrore:
1. Zgjedhja e Zëvendësguvernatorit u bojkotua gjatë tërë vitit 2022. Si rezultat, BQK mbeti pa Zëvendësguvernator, i cili në mungesë të Guvernatorit do të ushtronte detyrën e Guvernatorit.
2. Procesi i zgjedhjes së Guvernatorit të Bankës Qendrore u cenua me veprime joligjore nga ana e disa anëtarëve të panelit përzgjedhës. Si rezultat, Komisioni për Buxhet i Kuvendit të Kosovës nuk mundi ta përcjell listën me propozime në seancë të Kuvendit për votim.
3. Ushtruesja e detyrës së Zëvendësguvernatorit duket se është shkarkuar këto ditë për t’i hapur rrugë Kryetarit të Bordit të Bankës Qendrore të marrë detyrën e Guvernatorit.
Urime!”, ka shkruar Hoti.
Guvernatorit të Bankës Qendrore të Kosovës i ka skaduar mandati, ndërsa në këtë pozitë, Kuvendi i Kosovës nuk e ka emëruar askënd.
