Sot po shënohet njëvjetori i rënies së heroit të kombit, Afrim Bunjaku, gjatë sulmit terrorist në Banjskë.
E kryeministri i Kosovës, Albin Kurti së bashku me kryetarin e Kuvendit, Glauk Konjufca, Ministrin e Brendshëm, Xhelal Sveçla, Drejtorinë e Policisë, Gazmend Hoxha dhe Ambasadorin amerikan, Jeff Hovenier kanë bërë homazhe pranë varrit të heroit, Afrim Bunjaku.
Përveq tyre homazhe kanë bërë edhe zytarët e tjerë qeveritar, deputetë, pjesëtarët dhe drejtuesit e Policisë së Kosovës si dhe qytetarë të shumtë.
Pas vizitës tek familja, për nder të heroit dhe nën patronatin e kryeministrit, do të mbahet Akademi Përkujtimore në Prishtinë, duke filluar nga ora 15:00.
Ndryshe, Afrim Bunjaku ishte rreshter i Policisë së Kosovës që u vra në orët e para të ditës së diel më 24 shtator 2023 nga një grup kriminelësh serbë të armatosur rëndë në Sulmin e Banjskës afër fshatit Banjskë të Komunës së Zveçanit. Në momentin e vrasjes ai ishte komandant i Stacionit të Policisë në Zveçan. Pas vdekjes është nderuar nga Presidentja me urdhrin “Hero i Kosovës”.
Kurti, Konjufca, Sveçla dhe Hoxha vizitojnë familjen e heroit Afrim Bunjaku
