Holanda ka shënuar fitore të vështirë por shumë të vlefshme ndaj Greqisë. Të hënën mbrëma në Athinë, Holanda fitoi 1:0. Golin e vetëm e shënoi Virgil van Dijk në minutën e 93-të nga pika e bardhë.
Holandezët e humbën një penallti në minutën e 28-të.
Holanda tani është e dyta në Grupin B të kualifikimeve për Euro 2024. I ka 12 pikë, sa edhe Greqia në vendin e tretë. Por Holanda ka një ndeshje më pak të luajtur.
Në ndeshjen tjetër të grupit B, Irlanda fitoi 4:0 në udhëtim ndaj Gjibraltarit. Irlanda i ka gjashtë pikë në vendin e katërt, ndërsa Gjibraltari mbetet në kërkim të pikës së parë.
