Forma fantastike e sulmuesit të Kombëtares së Kosovës, Fisnik Asllani ka bërë që tek Hoffenheimi të mendojnë për t’ia rinovuar kontratën.
Asllani është në pronësi të Hoffenheimit, ndërsa këtë sezon është huazuar te Elversbergu në Bundesligën 2, kampionat ku ka shënuar 17 gola dhe ka bërë 5 asistime në 28 paraqitje.
Ai ka kontratë me Hoffenheimin deri në vitin e ardhshëm, por për të rinovuar kontratën me Asllanin, kjo skuadër duhet të jetë pjesë e Bundesligës gjermane edhe për sezonin tjetër.
Asllani, i cili në ndeshjen e fundit ka shënuar “hat-trick” ka thënë se nuk po mendon për të ardhmen pasi është i fokusuar ta përfundoj sezonin në mënyrën më të mirë të mundshme me Elversbergun.
22-vjeçari po monitorohet edhe nga shumë skuadra jashtë Gjermanisë, ndërsa me Kombëtaren e Kosovës ka 5 paraqitje.
