Sipas Gjykatës, të pandehurit më 17 shkurt në Prizren përballë objektit të Konsullit Turk kanë marrë flamurin turk dhe e kanë hedhur në Lumbardh.
Në njoftim, Gjykata shton se me këto veprime ata kanë nxitur urrejtje dhe përçarje mbi baza etnike duke i përbuzur simbolet kombëtare të komunitetit turk.
“Kurse, Departamenti i Përgjithshëm, gjyqtarja e procedurës – Shpresa Emra, ka caktuar masën e paraburgimit ndaj të pandehurit F.Q., në kohëzgjatje 30 ditë, e cila do të llogaritet prej datës 18.02.2022, dhe mund të zgjasë deri më datën 18.03.2022, për shkak të dyshimit të bazuar se në bashkëkryerje me katër të miturit ka kryer veprën penale nxitja e përçarjes dhe mos durimit nga neni 141 par. 1 të Kodit Penal të Republikës së Kosovës”, thuhet ndër tjerash në njoftim.
Tutje, Gjykata ka njoftuar se ankesa kundër këtij aktvendimi nuk e shtynë ekzekutimin e tij.
