Kjo protestë është organizuar në shenjë revolte për vrasjen e 35-vjeçares shtatzënë në oborrin e QKUK-së.
“Historinë e Kosovës po e shkruani me gjak të grave!”, “Një djep ma pak, dy varre më shumë, deri kur”, “Jeta e gruas e vlefshme pavarësisht a është nënë, motër, bijë”, “Vrasjet e grave janë vrasje të paralajmëruara!”, “Burrat vrasin gratë shteti shkruan postime në FB!”, ishin disa nga pankartat që protestuesit kishin me vete.
Pas sheshit “Zahir Pajaziti”, protesta ka vazhduar deri te Ministria e Drejtësisë. Para objektit të kësaj ministrie, protestuesit kanë vënë mbishkrime si “Vrasja e grave nga burrat të trajtohet si urgjencë kombëtare”.
Marshi i protestuesve ka vazhduar edhe para Policisë së Kosovës. Ku para objektit janë parë edhe zyrtarë të policisë.
“Kryeministër, largoji përemrat pronor “e jona, e të gjithëve” kur flet për gratë. Gratë i përkasin vetes!”, “Two angels are killed by a ‘monster’”, “Poshtë KPK”, ishin disa nga pankartat që protestuesit i mbanin.
35-vjeçarja është vrarë të mërkurën para objektit të Klinikës Gjinekologjike nga, ish-burri i saj. E ndjera ishte shtatzënë. Ajo kishte urdhër për mbrojtje nga Gjykata Themelore e Ferizajt deri në mars të 2023.
Policia ka njoftuar se i kanë kontrolluar disa lokacione por që i dyshuari akoma nuk është kapur.
Ndërkohë protesta është ende suke vazhduar dhe tashmë protestuesit gjenden para objektit të Qeverisë së Kosovës ku në shenjë proteste kanë ndezur edhe zjarr./teve1.info/
