Historiani zviceran, Oliver Jens Schmitt ka thënë se demokracia në Kosovë është shumë e zhvilluar dhe është shembull për shumë vende të rajonit.
Ai në Tëvë1 ka thënë se popull i Kosovës ka vuajtur dhe është shkatërruar nga ushtria paramilitare serbe dhe për këtë duket që të adhurohet nga jashtë e sidomos nga Perëndimi.
Schmitt mendon se shumë shtete të Evropës nuk e kanë kuptuar këtë arritje dhe sipas tij shohin vetëm mungesat.
“Demokracia në Kosovë është e zhvilluar dhe është shembull për vendet e rajonit. Duhet që t’i kemi parasysh edhe rrethanat në të cilat është zhvilluar kjo demokraci sepse pikënisja ishte shumë e vështirë. Ky vend u shkatërrua nga ushtria paramilitare serbe. Kjo popullsi ka vuajtur në të vërtetë shumë… Unë mendoj që sidomos për këtë arsyeje duhet të respektohet edhe të adhurohet nga jashtë sidomos nga Perëndimi kjo arritje. Ju keni zhvilluar një demokraci shumë të re në rrethanat unë mendoj më të vështira të Evropës. Unë mendoj që shumë shtet evropiane nuk e kanë kuptuar këtë arritje. Ata shohin shumë shpesh vetëm mungesat dhe kjo është e qartë, pasi çdo shtet i ka edhe sfidat e tij…”, ka thënë ai në emisionin “Info Nata”.
