Kosova ka arritur një sukses të jashtëzakonshëm në Kampionatin Botëror të Paraglajdit, duke u renditur në vendin e tretë mes konkurrencës më të fortë ndërkombëtare.
Në këtë kampionat morën pjesë 140 pilotët më të mirë nga 39 shtete të botës.
Pas zhvillimit të 12 rundëve sfiduese, gara u bë edhe më e ngushtë pas rundit të gjashtë, kur vetëm 6 shtete arritën të kualifikohen për fazën finale. Në fund, Kina u shpall kampione, e ndjekur nga Indonezia në vendin e dytë, ndërsa Kosova siguroi vendin e tretë, duke lënë pas shtete me traditë si Çekia (4), Serbia (5) dhe Koreja (6).
Ekipi i Kosovës përfaqësohej nga pilotët: Fanol Shala, Migjen Shala, Lisjeta Thaqi, Veton Syla dhe Eduard Daci, ndërsa pjesë e delegacionit ishte edhe kryetari i Federatës së Aeronautikës së Kosovës, z. Avni Kuqi. Ky rezultat është fryt i përkushtimit të palodhshëm të sportistëve dhe mbështetjes së vazhdueshme institucionale për sportet ajrore në vend.
Suksesi u kurorëzua edhe në kategorinë e femrave, ku pilotja Lisjeta Thaqi shkëlqeu, duke u renditur në vendin e tretë në botë një tjetër arritje e jashtëzakonshme që e bën këtë rezultat edhe më të veçantë për sportin kosovar.
Ndersa Fanol Shala u rendit ne top 10 pilotët me te mirë gjegjësisht ne vendin e 9-të
Kosova tashmë ka vulosur emrin e saj në hartën botërore të paraglajdit një arritje që frymëzon gjeneratat e reja. /teve1.info/
