“Bordi Ekzekutiv i Bankës Qendrore të Republikës së Kosovës, ka miratuar largimin e tarifës (ngarkesës) në llogarinë e veçantë të hapur nga Qeveria e Republikës së Kosovës për Fondin e Sigurisë. Në të njëjtën kohë, është kërkuar edhe nga bankat komerciale në vend të mos aplikojnë tarifë për qytetarët, me rastin e transferimit të mjeteve në llogarinë për Fondin e Sigurisë”, thuhet në përgjigjen e BQK-së për Tëvë1.info
Për këtë vendim, në Shoqatën e Bankave të Kosovës nuk kanë pranuar të flasin për Tëvë1.info për të treguar nëse të gjitha bankat tjera komerciale do ta zbatojnë këtë vendim.
Qytetarët e vendit, nga ana e tyre, e kanë mirëpritur vendimin për hapjen e llogarisë të veçantë nga ekzekutivi kosovar për Fondin e Sigurisë.
Pavarësisht që është kohë e vështirë ekonomike, ata thonë se janë të gatshëm për të kontribuar sipas mundësive.
Përveç qytetarëve, në përkrahje të kësaj ideje kanë dalë edhe qytetarë që jetojnë jashtë Kosove dhe figura të ndryshme politike.
Tëvë1 ka kërkuar të dhëna prej Qeverisë së Kosovës për shumën e mbledhur deri në këtë periudhë, mirëpo të njëjtit nuk kanë kthyer përgjigje.
Raporti i gazetares Fetije Kamberi.
