Kjo shtëpi banimi në pronësi të Dragan Mllagjoviq në fshatin Zherovnicë të Zveçanit ka qenë cak i një sulmi të enjten në mëngjes.
Këtu dyshohet se është hedhur një granatë dore në oborr nga persona ende të pa identifikuar nga policia.
Përveç dëmeve materiale, nuk është raportuar të jetë lënduar ndonjë person.
“Në shtëpinë mrapa meje dyshohet se ëahyë hedhur një granatë dore e cila më pas ka shpërthyer.”
Rasti është raportuar në Polici të Kosovës.
Zëvendës drejtori në Policinë e Veriut, Veton Elshani ka thënë njësitet policore janë duke e hetuar rastin.
“Sot në orët e hershme të mëngjesit në Zveçan, respektivisht në Zherovnicë është dëgjuar një shpërthim. Dyshohet se shpërthimi është shkaktuar nga një granatë dore e cila është hedh në një oborr të një shtëpie. Dëme të vogla materiale janë shkaktuar, ndërsa nuk ka të lënduar në njerëz.”
Gjatë kohës sa ekipi i tëvë1 po qëndronte në Zherovnicë, i zoti i shtëpisë nuk ishte në shtëpi, pasi dyert qenë të mbyllura.
Por, Mllagjoviq gjatë ditës për media ka thënë që beson se sulmi ka ardhur, pasi që ai në punën e tij bashkëpunon me shqiptarë.
Po ashtu, ai ka thënë që nuk merret me politikë.
Vetëm një ditë më parë, ishte djegur vetura e shoferit të ish-kryetarit të komunës së Leposaviqit, Zoran Todiq. Ndërkaq më tetë mars ishte djegur lokali i nënkryetares së Komunës së Zveçanit, Natasha Tomaniq.
Teksti nga gazetarja: Gresa Bardhecaj
