Ishte nisur në drejtim të Kaçanikut.Por rrugëtimi nuk i shkoi siç duhej.
Kjo meqë I.H mëngjesin së dielës u vetaksidentua në fshatin Bob të Kaçanikut.
Dyshohet se i njëjti ka rënë aksidentalisht nga lartësia e autostradë, pasi kishte dalë nga automjeti pas aksidentit.
Sipas burimeve të Tëvë1, pak minuta para se të ndodhte aksidenti, një patrullë rrugore e Policisë së Kosovës e urdhëroi tashmë të ndjerin të ndalej.
Mirëpo, ai nuk iu bind zyrtarëve policor, dhe vazhdoi rrugën e tij.
Gjithë rastin, Policia po e trajton si “hetim mbi vdekjen”.
Për gjetjen e trupit të viktimës, i cili ra nga kjo urë në autostradën “Arbën Xhaferi”, u mobilizuan edhe shoqata e kërkim shpëtimit.
“Me të shkuar në vendin e ngjarjes jemi taku edhe me dy persona të tjerë që njëri prej tyre ishte zyrtar policor ishte i nderuari Erion Lekaj i cili me tu afruar hasi në trupin e pajetë të viktimës. Por mbi të gjitha e dimë se ai është shkuar në fillim të urës dhe duket si ai po donte të zbriste poshtë vet veti. Por, unë nuk kam ndonjë version të saktë por,mbi të gjitha e di se ai në fillim të urës ka lënë veturën pasi është aksidentuar dhe ka shku këmbë është ra poshtë”, ka thënë Neziraj.
Neziraj tregon për televizion se tereni ku ra i riu nga Pozherani i Vitisë ishte goxha i vështirë.
“Pasi që ka qenë një teren jashtëzakonisht i vështir unë kam kërkuar nga shoqata nga kryetari dhe nënkryetari që të më dërgojnë ekipin e litarëve dhe në mënyre profesionale kemi bërë ankerimin e trupit të pajetë dhe kemi tërheq bashkërisht tu na ndihmuar edhe policia edhe vullnetmirët e kemi tërheq”, shtoj Neziraj.
Rastin është duke e hetuar edhe Prokuroria Themelore e Ferizajt, përderisa trupii të ndjerit është varrosur gjatë pasdites në fshatin e tij të lindjes.
