Për herë të parë një lojtare e Kombëtares së Kosovës u paraqit në garën elitare evropiane – Ligën e Kampionëve.
Mirela Gjikokaj shkroi histori me skuadrën norvegjeze Strohamar. Ajo fitoi Kupën, luajti dhe shënoi gola në Champions dhe po marshon drejt titullit të kampionit në Norvegji.
Mirela kthehet në Kombëtare për ndeshjet sfiduese me Suedinë dhe presim që si lidere e vërtetë të udhëheqë vajzat tona me përkushtim e pasion.
Ka gati një dekadë që Gjikokaj vesh fanellën e Kosovës, duke kontribuuar në sukseset e Kombëtares së hendbollit.
