Hendbollistet e Kombëtares së Kosovës, sot nisin fazën e dytë kualifikuese për Kampionatin Evropian të vitit të ardhshëm.
“Dardanet” do ta ketë një udhëtim të vështirë, pasi përballen me kampionen e botës, Francën, ndeshje kjo që luhet nga ora 20:45 në Nimes.
Kjo ndeshje i takon Grupi1 kualifikues, të cilin krahas Kosovës e Francës, e përbëjnë edhe Kroacia e Finlanda.
Te Kosova e kanë parasysh forcën e Francës, por synimi është të bëhet një paraqitje e mirë, që do të shërbejë për ndeshjen e radhës, atë kundër Kroacisë të dielën në Prishtinë.
Kosova ka mungesa të shumta, pasi i mungojnë lojtaret kryesore dhe për këtë arsye selektori Agron Shabani ka ftuar edhe lojtare të reja në këtë grumbullim që ka nisur të dielën e shkuar.
Franca është kombëtarja më cilësore që paraqitet në kualifikime, është superfuqi e hendbollit.
